ரஜினிகாந்த் விரைவில் நலம் பெற வாழ்த்து.. ஆளுநர் மற்றும் முதலமைச்சர் எக்ஸ் பதிவு

திடீர் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ள நடிகர் ரஜினிகாந்த் விரைவில் நலம்பெற வேண்டுவதாக தமிழக ஆளுநர் ஆர்.என்.ரவி மற்றும் முதலமைச்சர் மு.க.ஸ்டாலின் ஆகியோர் வாழ்த்து தெரிவித்துள்ளனர். 

ஆளுநர் ஆர்.என்.ரவி சார்பில் ஆளுநர் மாளிகை வெளியிட்ட எக்ஸ் பதிவில், ரஜினிகாந்த் விரைவாகவும் சீராகவும் குணமடைய உலகெங்கிலும் உள்ள அவரது கோடிக்கணக்கான ரசிகர்களுடன் சேர்ந்து தானும் வேண்டிக் கொள்வதாக குறிப்பிட்டுள்ளார்.

இதேபோல் நடிகர் ரஜினிகாந்த் விரைந்து நலம் பெற விழைவதாக முதலமைச்சர் மு.க.ஸ்டாலினும் தனது எக்ஸ் பக்கத்தில் பதிவிட்டுள்ளார்.