ஆங்கில புத்தாண்டு தினத்தையொட்டி, திருச்செந்தூர் முருகன் கோவிலில் ஏராளமான பக்தர்கள் திரண்டு, சுவாமி தரிசனம் செய்தனர். புத்தாண்டை ஒட்டி, அதிகாலை 1 மணிக்கே கோவில் நடை திறக்கப்பட்டு, 1.30 மணிக்கு விஸ்வருப தீபாராதனையும், 2 மணிக்கு உதய மார்த்தாண்ட அபிஷேகமும் நடைபெற்றது. தொடர்ந்து, கால பூஜைகள் நடைபெற்றன. அதிகாலை ஒரு மணிக்கே நடை திறக்கப்பட்டதால், நள்ளிரவு 11 மணி முதலே ஏராளமான பக்தர்கள் கோவிலுக்கு வந்து நீண்ட வரிசையில் காத்திருந்தனர்.