பூஜை பொருட்கள், கற்பூர கடையில் பயங்கர தீவிபத்து

திருவண்ணாமலை காமாட்சி அம்மன் கோவில் தெருவில் உள்ள பூஜை பொருட்கள் மற்றும் கற்பூர வியாபாரக் கடையில் ஏற்பட்ட பயங்கர தீயை, தீயணைப்பு வீரர்கள் போராடி அணைத்தனர்.
கற்பூர கடை என்பதால் தீ மளமளவென பரவி, அருகிலுள்ள 2 கடைகளிலும் தீப்பற்றியது. இதையடுத்து, 3 தீயணைப்பு வாகனங்கள் மற்றும் 2 தனியார் டேங்கர் லாரிகளை பயன்படுத்தி தீயை கட்டுக்குள் கொண்டு வந்தனர். எனினும், கடையில் இருந்த பல லட்சம் ரூபாய் மதிப்பிலான பொருட்கள், ரொக்க பணம் மற்றும் 7 டூவீலர்கள் எரிந்து சாம்பலாகின.