அமெரிக்க அதிபர் டிரம்பிற்கும் அவரது முக்கிய ஆலோசகராக இருந்த எலான் மஸ்கிற்கும் இடையே வெடித்துள்ள மோதலால், எலான் மஸ்கின் ஸ்பேஸ் எக்ஸ் நிறுவனத்திற்கு அமெரிக்க அரசு வழங்கிய சுமார் 2200 கோடி ரூபாய் மதிப்பிலான விண்வெளித் திட்டங்களின் எதிர்காலம் கேள்விக்குறியாகி உள்ளது.
அரசின் செலவினக் குறைப்பு மற்றும் செயல்திறன் அதிகரிப்பு துறையின் தலைவராக இருந்த எலான் மஸ்க், டிரம்பின் வரி குறைப்பு மற்றும் வேறு சில மசோதாக்களால் அதிருப்தி அடைந்தார்.
இதை அடுத்து தமது அலுவலகத்தில் பேசும் போது மஸ்கின் மீது கடும் விமர்சனங்களையும் டிரம்ப் முன்வைத்தார்.
அதற்கு தொடர் எக்ஸ் பதிவுகள் மூலம் பதிலளித்த மஸ்கிற்கு, அரசு ஒப்பந்தங்கள் ரத்து செய்யப்படும் என டிரம்ப் மிரட்டல் விடுத்துள்ளார்.