முதல்வர் விஜய் மீது மு.க.ஸ்டாலின் சாடல்

லண்டன், கர்நாடகா, ஆந்திராவுக்கெல்லாம் போவதுபோல், உள்ளூரில் உள்ள மளிகைக் கடைக்கும் சென்று, விலைவாசி உயர்வைக் கேட்டுத் தெரிந்துகொள்ளுமாறு முதலமைச்சர் விஜய்க்கு மு.க.ஸ்டாலின் வலியுறுத்தி உள்ளார்.

பண்டிகைக் கால மகிழ்ச்சிக்கு பதிலாக, பயத்தில் உறைந்துபோயிருக்கும் மக்களிடம் போய் கேட்குமாறும் பதிவிட்டுள்ளார்.

உள்ளூர் மளிகை கடைக்கு...
இதுதொடர்பாக, திமுக தலைவர் மு.க.ஸ்டாலின் கூறி இருப்பதாவது;
முதலமைச்சர் அவர்கள் லண்டன் போகிறார், கர்நாடகா போகிறார், ஆந்திரா போகிறார். போகட்டும்.
அப்படியே உள்ளூரில் உள்ள மளிகைக் கடைக்கும் ஒரு எட்டு போய், விலைவாசி உயர்வைக் கேட்டுத் தெரிந்துகொள்ள வேண்டும்.

தயவுசெய்து, மாண்புமிகு உணவுத்துறை அமைச்சரிடம் கேட்டுவிட வேண்டாம். அவர் எல்லாம் 'நார்மலாக' இருக்கிறது என்பார்.

மக்கள் பண்டிகைக் காலத்தின் மகிழ்ச்சிக்கு பதிலாக, பயத்தில் உறைந்துபோய் இருக்கிறார்கள். அவர்களிடம் கேளுங்கள்.
இவ்வாறு திமுக தலைவர் மு.க.ஸ்டாலின் கூறி உள்ளார்.