வாரச்சந்தையில் காலாவதியான பொருட்கள் பறிமுதல்... மூட்டை மூட்டையாக காலாவதியான பொருட்கள் பறிமுதல்

செங்கல்பட்டு மாவட்டம் பல்லாவரம் வாரச்சந்தையில் விற்பனைக்காக வைக்கப்பட்டிருந்த காலாவதியான பொருட்களை மூட்டை மூட்டையாக அதிகாரிகள் பறிமுதல் செய்தனர்.

பல்லாவரம் வாரச்சந்தை வெள்ளிக்கிழமை தோறும் நடைபெற்று வரும் நிலையில், காலாவதியான பொருட்கள் மற்றும் சுகாதாரமற்ற உணவு பொருட்கள் விற்பனை செய்யப்படுவதாக அதிகாரிகளுக்கு தகவல் கிடைத்தது.

இதன் பேரில் உணவு பாதுகாப்பு துறை அதிகாரி பிரபாகரன் தலைமையில் மாநகராட்சி பணியாளர்கள் சோதனை செய்ததில் காலாவதியான பொருட்களை பறிமுதல் செய்து, விற்பனையாளர்களை எச்சரிக்கை செய்தனர்.