கலைஞர் மகளிர் உரிமை தொகை திட்டத்தில் நிராகரிக்கப்பட்டவர்கள் இன்று முதல் மீண்டும் விண்ணப்பிக்கலாம் என்று தமிழக அரசு தெரிவித்துள்ளது. மகளிருக்கு ஆயிரம் ரூபாய் உரிமை தொகை வழங்கும் திட்டத்தை கடந்த 15-ம் தேதி முதலமைச்சர் மு.க.ஸ்டாலின் காஞ்சிபுரத்தில் தொடங்கி வைத்தார். உரிமை தொகையை பெற ஒரு கோடியே 63 லட்சம் பெண்கள் விண்ணப்பித்த நிலையில், சுமார் 56 லட்சத்து 50 ஆயிரம் மனுக்கள் நிராகரிக்கப்பட்டன. இந்தநிலையில், நிராகரிக்கப்பட்டவர்கள் இ-சேவை மூலம் இன்று முதல் விண்ணப்பிக்கலாம் என தெரிவிக்கப்பட்டுள்ளது. இதில் தகுதியான நபர்களுக்கு 30 நாட்களுக்குள் கோட்டாட்சியர் மூலம் நடவடிக்கை எடுக்கப்படும் என தமிழக அரசு தெரிவித்துள்ளதாக தகவல் வெளியாகியுள்ளது.