திருச்சி மாவட்டம் துவரங்குறிச்சி அருகே மதுரை - திருச்சி தேசிய நெடுஞ்சாலையில், ஓட்டுநரின் கட்டுப்பாட்டை இழந்த கார் சாலையோர பள்ளத்தில் கவிழ்ந்து விபத்துக்குள்ளானதில், கணவன் மனைவி உட்பட 3 பேர் பரிதாபமாக உயிரிழந்தனர். கொட்டப்பட்டு வெங்கடேஸ்வரா நகரைச் சேர்ந்த கோபி, தனது மனைவி விஜயலட்சுமி மற்றும் தம்பி கண்ணனுடன், உறவினர் வீட்டு திருமணத்துக்காக காரில் சிவகாசி சென்றுள்ளார். மதுரை - திருச்சி தேசிய நெடுஞ்சாலையில் துவரங்குறிச்சி அடுத்த கல்லுப்பட்டி பகுதியில் சென்ற போது, திடீரென கட்டுப்பாட்டை இழந்த கார் சாலையோர பள்ளத்தில் கவிழ்ந்தது. அதில் விஜயலட்சுமியும், கண்ணனும் சம்பவ இடத்திலேயே பலியாகினர். மணப்பாறை அரசு மருத்துவமனையில் சிகிச்சை பலனின்றி கோபி உயிரிழந்தார்.