தேசிய அணைகள் பாதுகாப்பு ஆணையத்தின் தென்மண்டல இயக்குநரும் துணை கண்காணிப்பு குழுவின் தலைவருமான கிரிதர் தலைமையிலான குழுவினர் கேரள மாநிலம், இடுக்கியில் உள்ள முல்லைப் பெரியாறு அணையில் ஆய்வு மேற்கொண்டனர். அணையின் உறுதித் தன்மை, நீர்க்கசிவு மற்றும் ஷட்டர், கேலரி, பேபி அணை உள்ளிட்ட பகுதிகளில் துணை கண்காணிப்புக் குழு ஆய்வு செய்தது. நடப்பு ஆண்டில், கடந்த மார்ச் 22 மற்றும் நவம்பர் 10 ஆகிய தேதிகளில் ஆய்வு செய்த குழு, மூன்றாவது முறையாக அணையில் சோதனை மேற்கொண்டது.