ரஷ்யாவிடம் இருந்து கச்சா எண்ணெய் வாங்கும் சீனா உள்ளிட்ட நாடுகள் மீது அதிக வரியை விதிப்பது குறித்து இரண்டு அல்லது மூன்று வாரங்களில் முடிவு எடுக்கப்படும் என அமெரிக்க அதிபர் டிரம்ப் தெரிவித்துள்ளார்.

அலாஸ்காவில் ரஷ்ய அதிபர் புதினை சந்தித்து பேசிய பிறகு செய்தியாளர்களை சந்தித்த அவர் இதை தெரிவித்தார். இந்தியா மீது மட்டும் அதிக வரி விதித்து விட்டு சீனாவை கண்டு கொள்ளாதது ஏன் என்ற கேள்விக்கு பதிலளித்த டிரம்ப் அதைப் பற்றி இப்போது கூற முடியாது என்றாலும் விரைவில் இதர நாடுகளுக்கும் அதிக வரி விதிக்கப்படும் என தெரிவித்தார்.

புதினை சந்திப்பதற்கு முன்னர் அளித்த பேட்டியில், ரஷ்யாவிடம் இருந்து இனி இந்தியா கச்சா எண்ணையை வாங்காது என கூறினார். .