ரூ.7.5 கோடி மதிப்புள்ள நிலத்தை அபகரிப்பதாக குற்றச்சாட்டு... சேலம் மாநகர் அதிமுக கிளைச் செயலாளர் மீது புகார்

சேலம் மாநகர் அதிமுக கிளைச் செயலாளராக உள்ள செந்தில் என்பவர், தங்களது 7.5 கோடி ரூபாய் மதிப்புள்ள நிலத்தை அபகரித்துக் கொண்டு, ஊரை விட்டு வெளியேற்ற முயற்சி செய்வதாக சேலம் சிவதாபுரம் பனங்காட்டை சேர்ந்த அர்ஜுனன்- ராணி தம்பதியினர் எடப்பாடி பழனிச்சாமியை சந்தித்து மனு அளித்தனர்.

நெடுஞ்சாலை நகரில் உள்ள இல்லத்தில் இபிஎஸ்-ஐ சந்தித்து மனு அளித்த பின், வாழ வழியும் இல்லை, தங்க இடமும் இல்லை எனக் கூறிய தம்பதியினர் தங்களுக்கு சொந்தமான நிலத்தை மீட்டுத் தருமாறு கோரிக்கை வைத்தனர்.