கட்டி முடித்து 2 ஆண்டுகளாகியும் திறக்கப்படாத கழிப்பறை.. மின் இணைப்பும், தண்ணீர் இணைப்பும் இல்லை என புகார்

தேனி மாவட்டம் போடிநாயக்கனூர் அருகே கட்டி முடித்து திறக்கப்படாமல் உள்ள பெண்களுக்கான கழிப்பறையை உடனடியாக திறக்க வேண்டுமென கோரிக்கை எழுந்துள்ளது.

சுந்தரராஜபுரம் கிராமத்தில் 8 லட்சம் ரூபாய் செலவில் 2023-ம் ஆண்டு கட்டப்பட்ட கழிப்பறைக்கு இதுவரை மின் இணைப்பும், தண்ணீர் இணைப்பும் ஊராட்சி நிர்வாகம் கொடுக்கவில்லை என்றும் பெண்கள் புகார் கூறுகின்றனர்.

கழிப்பறை பயன்பாட்டுக்கு வராததால் புதர்கள் மண்டி விஷ ஜந்துகளின் புகலிடமாகவும், சமூக விரோதிகளின் கூடாரமாகவும் உள்ளதாக வேதனை தெரிவிக்கின்றனர்.