மின்சார ரயில் வழித்தட உயரழுத்த மின்கம்பத்தில் பழுது.... எழும்பூர்- தாம்பரம் இடையே மின்சார ரயில் சேவை பாதிப்பு

சென்னை எழும்பூர் அருகே, மின்சார ரயில் வழித்தடத்தில் உயரழுத்த மின்கம்பத்தில் ஏற்பட்ட பழுது காரணமாக, புறநகர் மின்சார ரயில் சேவை ஒரு மணி நேரமாக பாதிக்கப்பட்டது.

தொழில்நுட்ப கோளாறை சரிசெய்யும் பணி நடந்ததால், சென்னை எழும்பூர் - தாம்பரம் இடையிலான வழித்தடத்தில் இரு மார்க்கத்திலும் கடந்த ஒரு மணி நேரத்திற்கும் மேலாக புறநகர் ரயில் சேவை முடங்கியது.

கடந்த வாரம் வியாசர்பாடி அருகே, இதேபோன்ற பிரச்னை ஏற்பட்டதால், சென்னை சென்ட்ரல் - அரக்கோணம் வழித்தடத்தில் சுமார் 2 மணி நேரத்திற்கும் மேலாக புறநகர் ரயில் சேவை பாதிக்கப்பட்டது குறிப்பிடத்தக்கது.