எல்பிஜி டேங்கர் லாரி கவிழ்ந்து விபத்து

திருவள்ளூர் மாவட்டம், மீஞ்சூர் அருகே ஓட்டுநரின் கட்டுப்பாட்டை இழந்து எல்பிஜி டேங்கர் லாரி, சாலையில் கவிழ்ந்து விபத்துக்குள்ளானது. அத்திப்பட்டு புது நகரில் உள்ள இந்தியன் ஆயில் எல்பிஜி முனையத்திலிருந்து எரிவாயுவை ஏற்றிக்கொண்டு, ஆந்திரா மாநிலம் கடப்பாவிற்கு சென்ற லாரி, மீஞ்சூர் வண்டலூர் வெளிவட்ட சாலையில் திரும்பியபோது ஓட்டுநரின் கட்டுப்பாட்டை இழந்து சாலையில் கவிழ்ந்தது. தகவலறிந்து வந்த போலீசார் காயமடைந்த ஓட்டுநரை மீட்டு, மருத்துவமனைக்கு அனுப்பி, கிரேன் உதவியுடன் டேங்கர் லாரியை மீட்கும் பணியில் ஈடுபட்டனர். எரிவாயு கசிவு இல்லை என்ற போதும் பாதுகாப்பு காரணங்களுக்காக, தீயணைப்பு வாகனம், ஆம்புலன்ஸ் வரவழைக்கப்பட்டிருந்தன.