விவாகரத்து வழக்கை வாபஸ் பெற்றார் சங்கீதா

விவாகரத்து வழக்கை, சங்கீதா வாபஸ் பெற்றுள்ளார்.

விவாகரத்து வழக்கு விசாரணை
தமிழக முதலமைச்சர் விஜய் மற்றும் அவரது மனைவி சங்கீதா ஆகியோரின் விவாகரத்து வழக்கு, செங்கல்பட்டு குடும்ப நல நீதிமன்றத்தில் இன்று ஆகஸ்ட் 7ஆம் தேதி, மீண்டும் விசாரணைக்கு வந்தது.

இன்று நடைபெற்ற நீதிமன்ற விசாரணையின் போது, முதலமைச்சர் விஜய் மீது தான் தொடர்ந்த விவாகரத்து வழக்கைத் திரும்பப் பெற சங்கீதா முடிவு செய்துள்ளதாக தகவல் வெளியாகி உள்ளது. இதனை நீதிமன்றமும் ஏற்றுக் கொண்டுள்ளது.

காரணம் வெளியாகவில்லை
இந்த விவாகரத்து மனுவை வாபஸ் பெறுவது குறித்த அதிகாரப்பூர்வ காரணம், அறிக்கை எதுவும் வெளியாகவில்லை. இன்றைய நீதிமன்ற விசாரணையில் முதல்வர் விஜய் ஆஜராகவில்லை. தமிழக சட்டமன்றக் கூட்டத்தொடர் நடைபெற்று வருவதால், பாதுகாப்பு மற்றும் பணி நிமித்தமாக அவர் நீதிமன்றத்தில் நேரில் ஆஜராகவில்லை என அவரது தரப்பு வழக்கறிஞர் தெரிவித்தார்.

காணொலி வாயிலாக சங்கீதா ஆஜர்
லண்டனில் இருக்கும் சங்கீதா, நீதிமன்றப் புத்தாக்கக் குழுவின் வழிகாட்டுதலின்படி சுமார் 20 நிமிடங்கள் காணொலி வாயிலாக விசாரணையில் பங்கேற்றார். இருதரப்பு வாதங்களையும் பதிவு செய்து கொண்ட செங்கல்பட்டு நீதிமன்ற நீதிபதி, இந்த வழக்கின் அடுத்தகட்ட விசாரணையைத் தேதி குறிப்பிடாமல் ஒத்திவைத்துள்ளார்

உரிமை, ஜீவனாம்சம்
தனக்கும் விஜய்க்கும் இடையே ஏற்பட்ட கருத்து வேறுபாடுகளைக் குறிப்பிட்டு விவாகரத்து மனுவை, சங்கீதா தாக்கல் செய்திருந்தார். நீலாங்கரையில் உள்ள தங்களின் இல்லத்தில் வசிக்கும் உரிமை மற்றும் ஜீவனாம்சம் கோரியிருந்தார். கடந்த ஜூன் மாதம் நடந்த விசாரணையில், நீதிமன்றம் இவர்களை ஒருமுறை சமரச மையத்திற்கு சென்று ஆலோசிக்குமாறு அறிவுறுத்தியிருந்தது. இந்நிலையில், சங்கீதா விவாகரத்து வழக்கை வாபஸ் பெற்றுள்ளார் என்பது குறிப்பிடத்தக்கது.

விவாகரத்து வழக்கின் பின்னணி
விஜய் மற்றும் அவரது மனைவி சங்கீதா இடையேயான இந்த விவாகரத்து மனு, 2025ஆம் ஆண்டு டிசம்பர் 24ஆம் தேதி செங்கல்பட்டு மாவட்ட நீதிமன்றத்தில் அதிகாரப்பூர்வமாகத் தாக்கல் செய்யப்பட்டது.
ஆனால், சங்கீதா மனுத் தாக்கல் செய்த தகவல், 2026 பிப்ரவரி மாத இறுதியில் தான் வெளியானது.

டிசம்பர் 24, 2025ல், செங்கல்பட்டு நீதிமன்றத்தில் சங்கீதா தரப்பில் விவாகரத்து மற்றும் நிரந்தர ஜீவனாம்சம் கோரி மனுத் தாக்கல் செய்திருந்தார்.
ஏப்ரல் 20, 2026ல் இந்த வழக்கு முதன்முதலில் நீதிபதி சசிகலா முன்னிலையில் விசாரணைக்கு வந்தது.
ஜூன் 15, 2026ல், அடுத்தகட்ட விசாரணை நடைபெற்றது. அப்போது இருதரப்பையும் குடும்ப நலச் சமரச மையத்திற்கு செல்ல நீதிமன்றம் அறிவுறுத்தல் வழங்கியது.
ஆகஸ்ட் 7, 2026 இன்று, செங்கல்பட்டு முதலாவது குடும்ப நல நீதிமன்றத்தில் விசாரணை நடைபெற்றுது. அப்போது, காணொலியில் ஆஜரான சங்கீதா, முழு சுயநினைவுடன் விவாகரத்து வழக்கை திரும்பப்பெறுவதாக தெரிவித்தார். இதனை ஏற்றுக் கொண்ட நீதிபதி, வழக்கை முடித்து வைத்து உத்தரவிட்டார்.