ட்ரம்பின் மருமகன் மைக்கேல் பவுலோஸ் கொச்சிக்கு வருகை

அதிகாரப்பூர்வ அரசு பயணம் அல்ல என தெரிவிப்பு

அமெரிக்க அதிபர் டொனால்ட் ட்ரம்பின் மருமகன் மைக்கேல் பவுலோஸ், தனிப்பட்ட பயணமாக கேரள மாநிலம் கொச்சிக்கு வந்துள்ளார். அவருடன் இந்தியாவுக்கான அமெரிக்க தூதர் செர்ஜியோ கோரும் வந்துள்ளார்.

பின்னர் பவுலோஸ் ஆலப்புழைக்குச் சென்று, கேரளாவின் புகழ்பெற்ற பின்னேரி நீர்வழிப் பகுதிகளை பார்வையிட்டு, ஹவுஸ்போட் பயணத்திலும் ஈடுபட்டதாக தகவல் வெளியாகியுள்ளது. இந்தப் பயணம் அதிகாரப்பூர்வ அரசு பயணம் அல்ல என்றும் தெரிவிக்கப்பட்டுள்ளது.

பிரதமர் நரேந்திர மோடி, அமெரிக்க துணை அதிபர் பேச்சு 

பிரதமர் நரேந்திர மோடியுடன் அமெரிக்க துணை அதிபர் ஜே.டி. வான்ஸ் தொலைபேசியில் உரையாடினார். இது தொடர்பான பிரதமர் மோடி வெளியிட்டுள்ள எக்ஸ் பதிவில், தனக்கு அமெரிக்க துணை அதிபரிடம் இருந்து தொலைப்பேசியில் அழைப்பு வந்ததாகவும்.

அப்போது தாங்கள் இருவரும் இரு நாட்டு இடையிலான விரிவான உலகளாவிய மூலோபாய கூட்டாண்மையை, முக்கிய துறைகளில் மேலும் வலுப்படுத்துவது குறித்து ஆலோசித்ததாகவும் பிரதமர் மோடி குறிப்பிட்டார்.

அந்தமான் நிக்கோபார் தீவுகளுக்கு துணை ஜனாதிபதி பயணம்

அந்தமான் நிக்கோபார் தீவுகளுக்கு இரண்டு நாள் பயணமாக சென்றுள்ள குடியரசுத் துணைத் தலைவர் சி.பி. ராதாகிருஷ்ணன், போர்ட் பிளேயரில் உள்ள செல்லுலார் சிறையை பார்வையிட்டு, சுதந்திரப் போராட்ட வீரர்களிம் படங்களுக்கு மரியாதை செலுத்தினார்.

தியாகிகள் நினைவுத் தூணில் மலர்வளையம் வைத்து அஞ்சலி செலுத்திய அவர், வீர சாவர்க்கர் அடைக்கப்பட்டிருந்த அறையையும் பார்வையிட்டார்.