ஜெய்ஸ்வாலுக்கு போதுமான வாய்ப்பளிக்க வேண்டும்

முன்னாள் ஆல்-ரவுண்டர் இர்பான் பதான் வலியுறுத்தல்

2027 ஒருநாள் கிரிக்கெட் உலகக் கோப்பைத் தொடருக்கு முன்பாக இளம் வீரர் ஜெய்ஸ்வாலுக்கு போதுமான வாய்ப்புகளை கொடுக்க வேண்டும் என தேர்வுக்குழுவுக்கு முன்னாள் ஆல்-ரவுண்டர் இர்பான் பதான் வலியுறுத்தியுள்ளார்.

உலகக் கோப்பைத் தொடரில் தேவையான நேரங்களில் அவர் தொடக்க ஆட்டக்காரராக களமிறக்கப்படலாம் என்பதால், அடுத்தடுத்து வாய்ப்பளிக்க வேண்டும் என கேட்டுக் கொண்டுள்ளார்.

லால்பாக்சா ராஜா விநாயகர் கோயிலில் தரிசனம்

மகாராஷ்டிரா மாநிலம் மும்பையில் உள்ள பிரபல லால்பாக்சா ராஜா(( Lalbaugcha Raja)) விநாயகர் கோயிலில் இந்திய அணியின் சீனியர் கிரிக்கெட் வீரர் ரோகித் சர்மா தனது மனைவி ரித்திகாவுடன் சுவாமி தரிசனம் மேற்கொண்டார்.அப்போது விநாயக பெருமானின் பாதத்தில் திருநீர் இட்ட ரோகித் சர்மா, தொடர்ந்து பாதத்தை தொட்டும் வணங்கினார்.

ஐசிசி டி-20 கிரிக்கெட் தரவரிசை - இங்கிலாந்து முதலிடம்

ஐசிசி டி-20 கிரிக்கெட் தரவரிசையில் இங்கிலாந்து அணி மீண்டும் முதலிடம் பிடித்திருப்பது மிகுந்த மகிழ்ச்சியளிப்பதாக இங்கிலாந்து அணியின் கேப்டன் ஹாரி ப்ரூக் கருத்து தெரிவித்துள்ளார். இந்த சாதனைக்கான அனைவருமே பெருமைப்பட வேண்டும் என்றும், நடந்து முடிந்த இலங்கைக்கு எதிரான தொடரில் அனைத்து வீரர்களும் சிறப்பாக செயல்பட்டதாகவும் அவர் கூறினார்.