நீர்ப்பிடிப்பு பகுதிகளில் பெய்து வரும் தொடர் கனமழை காரணமாக, திருப்பூர் மாவட்டம் உடுமலை அடுத்துள்ள அமராவதி அணையின் நீர்மட்டம் மூன்று நாட்களில் 17 அடி உயர்ந்துள்ளதால் விவசாயிகள் மகிழ்ச்சி அடைந்துள்ளனர்.
90 அடி உயரம் கொண்ட அணையின் நீர்மட்டம் காலை 8 மணி நிலவரப்படி 68.5 அடியாக உள்ளது.
அணைக்கு நீர்வரத்து விநாடிக்கு 3 ஆயிரத்து 769 கன அடியாக உள்ளது.
நீர்பிடிப்பு பகுதிகளில் கனமழை நீடிப்பதால் நீர்வளத் துறை அதிகாரிகள் சுழற்சி முறையில் இரவு பகலாக அணையை கண்காணித்து வருகின்றனர்.