பழனி தண்டாயுதபாணி கோயில் சார்பில் நடத்தப்படும் பள்ளி, கல்லூரிகளில் படிக்கும் மாணவ மாணவிகளுக்கு கட்டணமில்லா கண் பரிசோதனை முகாமை அமைச்சர்கள் சேகர்பாபு, சக்கரபாணி ஆகியோர் தொடங்கி வைத்தனர். பள்ளி மாணவ, மாணவிகளுக்கு கல்வி உபகரணங்களை வழங்கி, விடுதியில் தங்கி படிக்கும் மாணவ, மாணவிகளுக்கு மூன்று வேளையும் கட்டணமில்லா உணவு வழங்கும் திட்டத்தையும் அமைச்சர்கள் தொடங்கி வைத்தனர். தொடர்ந்து செய்தியாளர்களிடம் பேசிய அமைச்சர் சேகர்பாபு, பழனி முருகன் கோயிலின் உப கோயில்களாக உள்ள 50 கோயில்களில் வரும் பிப்ரவரி மாதத்திற்குள் திருப்பணிகள் முடிந்து குடமுழுக்கு நடத்தப்படும் என தெரிவித்தார்.