விஜய் பாஜக கூட்டணிக்கு சென்றால்...

எதற்காக இடதுசாரிகளுக்கு சீட்டு குறைக்க வேண்டும்?
காங்கிரசுக்கு கூடுதலாக தொகுதி கொடுத்ததை நாங்கள் கேட்கவில்லை, காங்கிரஸ் 28 தொகுதிகள் அல்ல 60 தொகுதிகள் வேண்டுமானாலும் கேட்டு வாங்கிக் கொள்ளட்டும். காங்கிரசுக்கு கூடுதல் தொகுதி கொடுப்பதற்கு வாய்ப்பு இருக்கிற பொழுது எதற்காக இடதுசாரிகளுக்கு சீட்டு குறைக்க வேண்டும் என்பதுதான் எங்களுடைய கேள்வி என தெரிவித்த சண்முகம், அதிமுகவில் கூட்டணி குறித்து பேசுவதற்கு நேற்று தான் குழுவே அமைத்துள்ளார்கள் ஆனால் திமுக கூட்டணியில் பல கட்சிகளுடன் உடன்பாடு முடிந்து விட்டது. இன்னும் ஒரு சில கட்சிகளுடன் தான் உடன்பாடு முடிக்கப்பட வேண்டும் என தெரிவித்தார்.

திமுகவிற்கு தான் பலம்
பாஜக அதிமுக கூட்டணியில் விஜய் இணைந்தால் திமுக அணிக்கு பலம் தான், ஏனென்றால் விஜய் ஆதரிப்பவர்கள் எல்லாம் திமுக, அதிமுக அல்லாத ஒரு புதிய முதலமைச்சர் அவர் தனித்து ஆட்சி அமைப்பார் என விருப்பம் தெரிவித்துள்ளனர், அவர் இன்னொருவருடன் போய் சேர்ந்தால் அவருக்கு ஆதரவு இருக்காது. அவர் அங்கு போய் சேர்ந்தால் முதலமைச்சர் என்பதற்கு வாய்ப்பும் கிடையாது. விஜய் பாஜக கூட்டணிக்கு சென்றால் அரசியல் எதிர்காலமற்ற ஒரு நிலை உருவாகும் என கூறிய அவர், லயோலா கல்லூரி முன்னாள் மாணவர்கள் கருத்துக்கணிப்பு ஒரு திட்டமிட்ட கருத்து திணிப்பு என காட்டமாக தெரிவித்தார்.