விழுப்புரம் மாவட்டம் செஞ்சி அருகே இறந்தவர்களின் உடலை சுடுகாட்டுக்கு எடுத்துச் செல்ல பாதை இல்லாததால் சேறு, சகதியுடன் வயல்வெளி பகுதியில் சுமந்து செல்லும் அவலம் உள்ளதாக பொதுமக்கள் குற்றம்சாட்டினர். வெளவால்குன்றம் கிராமத்தில் 30ஆண்டுகளாக சுடுகாட்டிற்குச் செல்ல பாதை இல்லாமல் சிரமம் அடைவதாகவும், பலமுறை மனு அளித்தும் நடவடிக்கை எடுக்கவில்லை என்றும் புகார் தெரிவித்தனர். மேலும், விரைந்து பாதை அமைக்க நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்தனர்.