கடலூர் மாவட்டம் வெங்கடாம்பேட்டை கிராமத்தில் கனமழையினால் ஊறிபோன ஓட்டு வீட்டின் பின்பக்க சுவர் இடிந்து விழுந்தது. குறிஞ்சிப்பாடி, வடலூர் குள்ளஞ்சாவடி, நெய்வேலி இந்திரா நகர் உள்ளிட்ட பகுதிகளில் கடந்த 3 நாட்களாக விட்டுவிட்டு மழை பெய்து வரும் நிலையில் பொதுமக்களின் இயல்பு வாழ்க்கை பாதிக்கப்பட்டுள்ளது. வெங்கடாம்பேட்டையிலுள்ள வீட்டின் சுவர் இடிந்த நிலையில் குடும்பத்தினர் வேறு அறையில் இருந்ததால் நல்வாய்ப்பாக தப்பினர். மேலும் அன்னதானம்பேட்டை கிராமத்தில் வீடுகளுக்குள் மழைநீர் புகுந்துள்ளதால் குடியிருப்புவாசிகள் அவதியடைந்துள்ளனர்.