ஆழியார் கவி அருவிக்கு படையெடுத்த சுற்றுலா பயணிகள்... ஏராளமானோர் திரண்டதால் வரிசையில் காத்திருந்து குளித்தனர்

ஆயுத பூஜை, சரஸ்வதி பூஜை மற்றும் காலாண்டு தொடர் விடுமுறையை முன்னிட்டு, கோவை மாவட்டம் ஆனைமலையை அடுத்த ஆழியார் கவி அருவியில் ஏராளமான சுற்றுலா பயணிகள் குவிந்தனர்.

ஒரே நேரத்தில் நூற்றுக்கணக்கானோர் குவிந்ததால் நீண்ட வரிசையில் காத்திருந்து குளிக்கும் நிலை ஏற்பட்டது.

வால்பாறை, ஆனைமலை சுற்றுவட்டார பகுதியில் கடந்த சில நாட்களாக மழை குறைந்துள்ள காரணத்தால், அருவியில் நீர்வரத்தும் சற்று குறைந்தே காணப்படுகிறது.