கிறிஸ்துமஸ் மற்றும் அரையாண்டு தேர்வு விடுமுறை காரணமாக, திருமலை திருப்பதியில் பக்தர்கள் கூட்டம் அலைமோதியது. லட்சக்கணக்கான பக்தர்கள் நேற்று வருகை தந்த நிலையில், இலவச தரிசன டோக்கன் வாங்குவதற்கு பக்தர்கள் முண்டியடித்ததால் தள்ளுமுள்ளு ஏற்பட்டது. மேலும், அலைமோதிய கூட்டத்தால் பக்தர்கள் சுமார் 4 கிலோ மீட்டர் தூரத்துக்கு நீண்ட வரிசையில் 24 மணி நேரம் காத்திருந்து ஏழுமலையானை தரிசனம் செய்தனர்.