அர்ஜென்டினா அணிக்காக மெஸ்ஸி விளையாடும் இறுதி போட்டி

தலைநகர் பியூனஸ் அயர்ஸ்-ல் நாளை நடைபெறுகிறது

• அர்ஜென்டினா அணிக்காக கேப்டன் மெஸ்ஸி விளையாடும் இறுதி கால்பந்து போட்டி நாளை நடைபெறுகிறது. தலைநகரான பியூனஸ் அயர்ஸில் அமைந்துள்ள எஸ்டாடியோ மாஸ் மானுமென்டல் மைதானத்தில் 85 ஆயிரத்துக்கும் மேற்பட்ட ரசிகர்களின் முன்னிலையில் இந்த போட்டி நடைபெறுகிறது.

• இந்த போட்டி முடிவடைந்தவுடன் மெஸ்ஸி தனது 10-ம் எண் ஜெர்சியையும், கேப்டன் பொறுப்பையும் அடுத்த தலைமுறை வீரர்களிடம் முறைப்படி ஒப்படைப்பார்.

சீனா ஓபன் டென்னிஸ் தொடரில் ஜோகோவிச் அபாரம்

• சீனா ஓபன் டென்னிஸ் தொடரில் செர்பியாவின் நோவாக் ஜோகோவிச் 7-வது முறையாக இறுதிப்போட்டிக்கு முன்னேறி சாதனை படைத்துள்ளார். அரையிறுதி போட்டியில், ரஷ்யாவின் டேனில் மெத்வதேவை எதிர்கொண்ட ஜோகோவிச், 7-க்கு 5, 5-க்கு 3 என்ற நேர் செட் கணக்கில் முன்னிலையில் இருந்தபோது மெத்வதேவ் போட்டியில் இருந்து விலகினார்.

• இதனால், ஜோகோவிச் வெற்றி பெற்றதாக அறிவிக்கப்பட்டது. இதன் மூலம் சீனா ஓபனில் ஜோகோவிச் தொடர்ச்சியாக 33 வெற்றிகளை பதிவு செய்துள்ளார். மேலும், ஒரே தொடரில் தொடர்ந்து அதிக வெற்றிகளை பதிவு செய்த ரபேல் நடாலின் சாதனையையும் அவர் முறியடித்தார்.

இந்தியா - உருகுவே சர்வதேச நட்புறவு கால்பந்து போட்டி

• இந்தியா - உருகுவே அணிகளுக்கு இடையேயான சர்வதேச நட்புறவு கால்பந்து போட்டி இன்று இரவு 7 மணிக்கு கொல்கத்தாவில் நடைபெறுகிறது. சமீபத்தில் உலகக் கோப்பையில் பனாமா அணியை 1-க்கு 1 என்ற கோல் கணக்கில் டிரா செய்த இந்திய அணி, தொடர்ந்து 5 முறை உலக சாம்பியனான பிரேசில் அணிக்கு எதிராக சர்வதேச நட்புறவு கால்பந்து போட்டியில் விளையாடியது.

• இதில், 4-0 என்கிற கணக்கில் தோல்வியடைந்தது. 2 முறை உலக சாம்பியனான உருகுவேயை எதிர்கொள்கிறது.