ரஞ்சி கோப்பை தொடரில் வலுவான நிலையில் தமிழ்நாடு அணி

ரஞ்சி கோப்பை தொடரில் சண்டிகருக்கு எதிரான ஆட்டத்தில் முதல் இன்னிங்சில் முதல் நாள் ஆட்ட நேர முடிவில் தமிழ்நாடு அணி 320 ரன்கள் எடுத்து வலுவான நிலையில் உள்ளது.

டாஸ் வென்ற தமிழ்நாடு அணி முதலில் பேட்டிங் செய்தது. சிறப்பாக விளையாடிய பிரதோஷ் ரஞ்சன் பால் சதம் அடித்து அசத்தினார். பாபா இந்திரஜித் 51 ரன்கள் எடுத்தார்.

முதல் நாள் ஆட்டம் முடிவில் தமிழ்நாடு அணி 86 ஓவர்களில் 4 விக்கெட் இழப்புக்கு 320 ரன்கள் எடுத்துள்ளது.

பிரதோஷ் ரஞ்சன் பால் 138 ரன்களுடனும், குருசாமி அஜிதேஷ் 34 ரன்களுடனும் களத்தில் உள்ளனர்.