இந்தியா ஏ அணிக்கு எதிரான முதலாவது ஆதிகாரபூர்வமற்ற டெஸ்ட் போட்டியின் முதல் இன்னிங்சில், இங்கிலாந்து லயன்ஸ் அணி 2 விக்கெட் இழப்பிற்கு 237 ரன்கள் சேர்த்துள்ளது.
இந்திய ஏ அணி முதல் இன்னிங்சில் 557 ரன்களுக்கு ஆல் அவுட்டானது. இதில் சிறப்பாக விளையாடிய கருண் நாயர் இரட்டை சதம் விளாசி 204 ரன்னில் அவுட்டானார்.
இதைத் தொடர்ந்து, இங்கிலாந்து லயன்ஸ் அணி முதல் இன்னிங்சை தொடங்கியது. இரண்டாம் நாள் முடிவில் இங்கிலாந்து லயன்ஸ் அணி 2 விக்கெட் இழப்பிற்கு 237 ரன்கள் சேர்த்துள்ளது.
தொடக்க ஆட்டக்காரர் டாம் ஹைன்ஸ் சதமடித்து 103 ரன் எடுத்து ஆட்டமிழக்காமல் உள்ளார். மேக்ஸ் ஹோல்டன் அரை சதம் கடந்து 64 ரன் எடுத்து அவுட்டாகாமல் உள்ளார்.