ஆகஸ்ட் 26-ல் உலகம் முழுவதும் ரிலீஸ் ஆகிறது ”டாக்சிக்” :

கீது மோகன்தாஸ் இயக்கத்தில் நடிகர் யாஷ்  நடித்துள்ள டாக்சிக் படத்தின் ரிலீஸ் தேதியை படக்குழு அறிவித்துள்ளது. தந்தையர் தினத்தை முன்னிட்டு அவர்களை போற்றுவதாக கூறி எக்ஸ் தளத்தில் பதிவிட்டுள்ள நடிகர் யாஷ், தனது டாக்சிக் திரைப்படம் வரும் ஆகஸ்ட் 26ஆம் தேதி உலகம் முழுவதும் திரையரங்குகளில் வெளியாவதாக அறிவித்துள்ளார்.

'அம்மா' சங்கத்திலிருந்து நடிகை ஸ்வேதா மேனன் விலகல் :

Photo Credit: Mustafah K.K.

சமீபகாலமாகத் தொடர் சர்ச்சைகள் மற்றும் காவல் நிலையப் புகார்கள் வரை சென்ற கடுமையான உட்கட்சிப் பூசல்களுக்கு மத்தியில், நடிகை ஸ்வேதா மேனன் தலைமையிலான 'அம்மா' (AMMA - மலையாளத் திரைப்படக் கலைஞர்கள் சங்கம்) நிர்வாகக் குழு ஞாயிற்றுக்கிழமை (ஜூன் 21, 2026) ராஜினாமா செய்தது. தனது குழுவை வெளியேற்றுவதற்கான சதித்திட்டம் இருப்பதாகக் குற்றம் சாட்டிய ஸ்வேதா மேனன், அந்தச் சங்கத்திலிருந்தும் விலகினார்.

இங்கு நடைபெற்ற பொதுக்குழு கூட்டத்தில், சங்கத்தின் ஒரு பிரிவினர் தலைமைக்கு எதிராக நம்பிக்கையில்லாத் தீர்மானம் கொண்டுவந்ததைத் தொடர்ந்து, 17 பேர் கொண்ட நிர்வாகக் குழுவினர் பதவி விலக முடிவு செய்தனர். அமைப்பின் அன்றாடப் பணிகளைச் சரியாக நிர்வகிக்கத் தவறியது மற்றும் அமைப்புக்குள் நிலவும் கருத்து வேறுபாடுகளைத் தீர்க்கத் தவறியது ஆகிய குற்றச்சாட்டுகள் தலைமை மீது சுமத்தப்பட்டன.

பொதுச் செயலாளர் குக்கு பரமேஸ்வரன் சமர்ப்பித்த ஆண்டு அறிக்கை மற்றும் நிதிநிலை அறிக்கை குறித்து ஒரு தரப்பினர் கேள்வி எழுப்பியதால் கூட்டத்தில் பரபரப்பான சூழல் நிலவியது. 'அம்மா' (AMMA) அமைப்பின் ஊழியர் ஒருவர் அளித்த பணியிடத்தில் துன்புறுத்தல் தொடர்பான புகாரைத் தொடர்ந்து கட்டாய விடுப்பில் அனுப்பப்பட்ட பொருளாளர் உன்னி சிவ்பாலும், நிதிநிலை அறிக்கைக்குப் பொறுப்பேற்க மறுத்துவிட்டதாகக் கூறப்படுகிறது.

நிதிப் பரிவர்த்தனைகளில் உள்ளதாகக் கூறப்படும் முரண்பாடுகளைச் சரிசெய்யாமல் ஆண்டு அறிக்கையை நிறைவேற்றுவதை மூத்த நடிகர்களும் முன்னாள் நிர்வாகிகளுமான சித்திக், இடவேள பாபு மற்றும் பாபுராஜ் ஆகியோர் எதிர்த்ததாகத் தெரிகிறது.

இவிஷயத்தை ஆய்வு செய்ய 45 நாட்கள் அவகாசம் வேண்டும் என்று திருமதி மேனன் கோரியபோதிலும், அந்தக் கோரிக்கை ஏற்கப்படவில்லை என்று அறியப்படுகிறது.

கூட்டத்திலிருந்து வெளியே வந்த திருமதி மேனன், "இந்த அமைப்பை நடத்த ஒரு கைப்பாவையாக இருக்க வேண்டியுள்ளது, ஆனால் அப்படி இருக்க நான் தயாராக இல்லை" என்று கூறினார். "சில பெண்கள் முன்பே கூறியது போல, இந்தச் சங்கத்தை குற்றம் சாட்டப்பட்ட சில நபர்களின் கைகளில் ஒப்படைப்பதற்கான முயற்சி நடப்பதாக நானும் நம்பத் தொடங்கியுள்ளேன்," என்றும் அவர் தெரிவித்தார்.

மீண்டும் இணைகிறது பிரேமம் திரைப்பட கூட்டணி :

பிரேமம் திரைப்படத்தின் பிளாக் பிளஸ்டர் கூட்டணி 7 ஆண்டுகளுக்கு மீண்டும் இணைகிறது. அல்போன்ஸ் புத்திரன் இயக்கத்தில் நிவின் பாலி நடிக்க உள்ள படத்தின் அறிவிப்பு போஸ்டர் வெளியாகியுள்ளது. அதில் படத்தின் பெயர் வருகிற ஜூன் 27 ஆம் தேதி அறிவிக்கப்படும் என்பதையும் குறிப்பிட்டுள்ளனர்.

Related Link

வட சென்னை - 2 விரைவில் எடுக்கப்படவுள்ளது