கோவை பாரதியார் பல்கலைக்கழகத்திற்காக நிலம் வழங்கிய விவசாயிகள் நீதிமன்ற தீர்ப்பின் படி தங்களுக்கு இழப்பீட்டு தொகையை வழங்க வலியுறுத்தி ஆட்சியர் அலுவலகம் முன்பாக போராட்டத்தில் ஈடுபட்டனர்.

இந்த பல்கலைகழகத்திற்காக 1981 ம் ஆண்டு 960 ஏக்கர் விவசாய நிலம் விவசாயிகளிடமிருந்து கையகப்படுத்தப்பட்டது.

அந்த நிலத்திற்கு உரிய இழப்பீடு தொகை வழங்க கோரி விவசாயிகள் தொடர்ந்த வழக்கில் சென்னை உயர்நீதிமன்றம் 2022 ம் ஆண்டு 600 கோடி ரூபாயை இழப்பீடாக வழங்க அரசுக்கு உத்தரவிட்டது.

தற்போது வரை அந்த இழப்பீட்டு தொகை வழங்காததை கண்டித்து பாதிக்கப்பட்ட விவசாயிகள் மார்க்சிஸ்ட் கம்யூனிஸ்ட் கட்சியினருடன் இணைந்து போராட்டத்தில் ஈடுபட்டனர்.