வேலூரில் பள்ளி மாணவிகளுக்கு பாலியல் தொந்தரவு கொடுத்த, தனியார் பள்ளி வாகன ஓட்டுநரை போலீசார் கைது செய்தனர். வேலூரில் இயங்கும் தனியார் பள்ளியில் ஓட்டுநராக வேலை செய்த குடியாத்தம் அருகே சாரக்குப்பத்தை சேர்ந்த 61 வயது தேவேந்திரன், பேருந்தில் வரும் மாணவிகளுக்கு தொல்லை கொடுத்ததாக கூறப்படுகிறது. இதுகுறித்து பெற்றோர் புகார் அளித்த நிலையில், விசாரணை மேற்கொண்ட வேலூர் அனைத்து மகளிர் காவல் நிலைய போலீசார் போக்சோ சட்டத்தில் வழக்குப்பதிவு செய்தனர்.