தெலங்கானா மாநிலம் ஐதராபாத்தில் 10 வயது சிறுமியை கத்தியால் 21 முறை குத்திக் கொலை செய்த 14 வயது சிறுவனை காவல்துறையினர் கைது செய்தனர். சிறுமி வீட்டிலுள்ள கிரிக்கெட் பேட்டை திருடுவதற்காக யாரும் இல்லாத நேரத்தில் சிறுவன் உள்ளே நுழைந்துள்ளார்.

இதனை சிறுமி பார்த்ததால், சிறுவன் மறைத்துவைத்திருந்த கத்தியைக் கொண்டு அவரை குத்திக் கொன்றுள்ளார். சிறுமியின் தந்தை அளித்த புகாரின் பேரில் விசாரணை மேற்கொண்ட போலீசார், சம்பவம் நடந்து 4 நாட்களுக்கு பிறகு பக்கத்து வீட்டு சிறுவனை கைது செய்தனர்.

கிரிக்கெட் பேட்டை திருடுவதே சிறுவனின் நோக்கம் என்றால் எதற்காக கத்தியுடன் சென்றான் என்பது குறித்து விசாரணை நடைபெறுகிறது.