த.வெ.க. ஆட்சியில் மின்வெட்டை மிஞ்சும் அளவுக்கு அரிவாள் வெட்டு தலைதூக்கி இருப்பதாக திமுக தலைவர் மு.க.ஸ்டாலின் குற்றம் சாட்டி உள்ளார். பட்டப்பகல், நள்ளிரவு என்ற பாகுபாடு இல்லாமல், சட்டம்-ஒழுங்கு சீரழிந்து ரத்தச் சகதியில் தமிழ்நாடு சிக்கியுள்ளதாகவும் கூறி உள்ளார்.

கடந்த 24 மணி நேரத்தில்...
இதுதொடர்பாக, திமுக தலைவர் மு.க.ஸ்டாலின் கூறி இருப்பதாவது;
த.வெ.க. ஆட்சியில் மின்வெட்டை மிஞ்சும் அளவுக்குத் தலைதூக்கும் அரிவாள் வெட்டு, சட்டம்-ஒழுங்கு சீரழிந்து ரத்தச் சகதியில் சிக்கியுள்ள தமிழ்நாடு. குற்றவாளிகள் தைரியமாகவும் பொதுமக்கள் அச்சத்தோடும் வாழும் சூழலுக்குத் தமிழ்நாடு தள்ளப்பட்டுள்ளதற்குச் சான்றாக கடந்த 24 மணி நேரத்தில் வெளியாகிய அதிர்ச்சிச் செய்திகள் அமைந்து உள்ளன.

தொடரும் சம்பவங்கள்
சென்னை மயிலாப்பூரில் 19 வயது இளைஞர் சத்தியசீலன் வெட்டிப் படுகொ* செய்யப்பட்டுள்ளார்.
திருத்தணியில் தனது 17 வயது மகளுக்குத் தொல்லை கொடுத்த நபர் மீது காவல்நிலையத்தில் புகாரளித்த தந்தை அவரது வீட்டின் முன்பே வைத்துப் படுகொ* செய்யப்பட்டுள்ளார். காவல் நிலையத்தில் புகார் அளித்தும் நடவடிக்கை எடுக்காமல் அலட்சியமாக இருந்ததால் இந்த சம்பவம் நிகழ்ந்திருக்கிறது.
சேலத்தில் வீட்டில் தனியாக இருந்த ஜனாபாய் எனும் மூதாட்டி பகலிலேயே கழுத்து நெரித்துக் கொ* செய்யப்பட்டிருக்கிறார். குற்றவாளிகள் அவரது நகைகளைத் திருடிச் சென்றுள்ளனர்.

மது போதையில்...
திண்டுக்கல் மாவட்டம் சாணார்பட்டி காவல் நிலையத்தில் ஜாமீன் கையெழுத்து போட்டுவிட்டுத் திரும்பும்போதே வீரபத்திரன் என்பவர் மர்ம நபர்களால் மனைவி முன்பு வைத்துச் சரமாரியாக வெட்டிக் கொ* செய்யப்பட்டுள்ளார்.
மதுரை மாவட்டம் சமயநல்லூர் அருகே மது போதையில் நிர்வாணமாக்கி வாலிபர் கொ* செய்யப்பட்டுள்ளார்.
சோழவந்தானில் டாஸ்மாக் கடை அருகே பைக்கில் வந்த சியாம் சுந்தர்ராஜன் வெட்டிப் படுகொ* செய்யப்பட்டுள்ளார்.

வீட்டிலும், வெளியிலும் பாதுகாப்பில்லை
எண்ணூர் ரயில் நிலையத்திலேயே மாணவர்களை வெட்ட முயற்சி நடந்துள்ளது.
வடக்கு, தெற்கு, மேற்கு, தலைநகர் என எல்லா திசைகளிலும் குற்றச் சம்பவங்கள் கொடிகட்டிப் பறக்கின்றன. பட்டப்பகல், நள்ளிரவு எனப் பாகுபாடு இல்லாமல் தமிழ்நாடு ரத்தத்தில் தோய்ந்து போயுள்ளது. வீட்டிலும் பாதுகாப்பில்லை, வெளியிலும் பாதுகாப்பில்லை என்ற நிலையில் மக்கள் பரிதவித்துக் கிடக்கின்றனர்.

முடிவு எப்போது?
காவல்துறையினரால் ரோந்துப் பணி மேற்கொள்ளப்படுகிறதா இல்லையா?
சிங்கப்பெண் அதிரடிப்படையினர் ரீல்ஸ் போடுவதில் காட்டும் ஆர்வத்தைப் பெண்களின் பாதுகாப்பில் காட்டுவார்களா மாட்டார்களா?
காவல் நிலையத்தில் புகாரளித்தும் நடவடிக்கை எடுக்கப்படாமல் புகார் தெரிவித்தவர்களே கொ*க்கு உள்ளாகும் அராஜகத்துக்கு முடிவு எப்போது?
குற்றவாளிகள் கண்காணிக்கப்படுகிறார்களா இல்லையா? கண்காணிப்பு இல்லாமல் போனதைத் தானே திண்டுக்கல் மாவட்ட சம்பவம் காட்டுகிறது?

அப்பாவி மனித உயிர்கள்
தமிழ்நாட்டின் சட்டம்-ஒழுங்கு நாளாக, நாளாக மிக மிக ஆபத்தான கட்டத்தை நோக்கிச் சென்று கொண்டிருக்கிறது. மக்களின் உயிரைக் காப்பதில் கவனம் செலுத்த வேண்டிய முதலமைச்சரின் கவனம் மொத்தமும் தனது நாற்காலியைக் காப்பாற்றுவதிலேயே இருக்கிறது. அதற்கான விலையாக அப்பாவி மனித உயிர்கள் பலி கொடுக்கப்பட்டு வருகின்றன.

Please Take Action CM Sir
காவல்துறைக்குப் பொறுப்பு வகிக்கும் முதலமைச்சர், நிலைமையின் வீரியத்தை உணர வேண்டும்.

சாக்குபோக்கு சொல்லித் தப்பிக்கும் காலம் எல்லாம் கடந்துவிட்டது. 'Take - Action' #ShootingModeல் இருந்து விடுபட்டு, Please Take Action CM Sir.
இவ்வாறு திமுக தலைவர் மு.க.ஸ்டாலின் கூறி உள்ளார்.

Related Link

"ஆட்சிக்கு முன் ஒரு பேச்சு, பின் வேறு செயலா?" என தவெக அரசுக்கு இபிஎஸ் கேள்வி