அமெரிக்கா - இஸ்ரேல் தாக்குதல்களில் சேதமான கமேனி இல்லம் :

அமெரிக்கா - இஸ்ரேல் நடத்திய தாக்குதல்களில் உயிரிழந்த கமேனியின் இல்லம் மற்றும் மசூதி சிதைக்கப்பட்ட காட்சிகளை ஈரான் முதன்முறையாக வெளியிட்டுள்ளது. கடந்த பிப்ரவரி 28ஆம் தேதி தெஹ்ரானின் மீது அமெரிக்கா மற்றும் இஸ்ரேல் நடத்திய வான்வழித் தாக்குதலில் ஈரானின் உச்ச தலைவர் அயதுல்லா அலி கமேனி, அவரது குடும்ப உறுப்பினர்கள் மற்றும் உயர்மட்ட பாதுகாப்பு அதிகாரிகள் பலர் கொல்லப்பட்டனர்.

இந்தத் தாக்குதலில் கமேனியின் இல்லம் மற்றும் மசூதி வாளத்திற்குள் ஏற்பட்ட சேதத்தை விவரிக்கும் 35 விநாடிகள் கொண்ட வீடியோவை ஈரான் வெளியிட்டுள்ளது. கமேனியின் சொந்த ஊரான மஷ்ஹத்தில் அவரது உடல் அடக்க நாளில் வீடியோ வெளியிடப்பட்டுள்ளது.

ஈரானின் ராணுவ தளங்களை குறி வைத்து அமெரிக்கா தாக்குதல் :

அமெரிக்கா-ஈரான் இடையே மீண்டும் போர் பதற்றம் அதிகரித்துள்ள நிலையில், ஈரானின் 90 ராணுவ தளங்களை குறிவைத்து தாக்குதல் நடத்தும் வீடியோவை அமெரிக்க ராணுவம் வெளியிட்டுள்ளது. ஏவுகணைகள் மற்றும் டிரோன்கள் மூலம் அமெரிக்கா தாக்குதலை தீவிரப்படுத்தி வருகிறது.

ஹோர்மூஸ் நீரிணை பகுதியில் உள்ள வணிகக் கப்பல்கள் மற்றும் மாலுமிகள் மீது தாக்குதல் நடத்தும் ஈரானின் திறனை பலப்படுத்தும் நோக்கில் நடவடிக்கை மேற்கொள்ளப்பட்டதாக அமெரிக்கா தெரிவித்துள்ளது. அதேபோன்று அமெரிக்காவின் தாக்குதலுக்கு தக்க பதிலடி கொடுப்போம் எனவும் ஈரான் எச்சரித்துள்ளது.

Related Link

அதிபர் டிரம்பிற்கு உக்ரைன் அதிபர் ஜெலன்ஸ்கி நன்றி