முதல் நாளில் ரூ.88 கோடி வசூலித்த நானி-யின்'PARADISE'
கலவையான விமர்சனத்தால் வசூல் பாதிக்கக்கூடும் என கணிப்பு
ஸ்ரீகாந்த் ஒடேலா இயக்கத்தில் நானி நடிப்பில் வெளியான 'PARADISE' திரைப்படம் முதல் நாளில் 88 கோடி ரூபாய் வசூல் செய்துள்ளது. நானி கேங்ஸ்டராக நடித்திருக்கும் இத்திரைப்படத்துக்கு கலவையான விமர்சங்கள் கிடைத்து வருவதால் வரும் நாட்களில் வசூல் பாதிக்கக்கூடும் என கூறப்படுகிறது.
எஸ்.கே.-27 திரைப்படத்தின் படபிடிப்பு பணிகள் தொடக்கம்
ராம்குமார் பாலகிருஷ்ணன் இயக்கத்தில் சிவகார்த்திகேயன் நடிப்பில் உருவாகும் SK-27 திரைப்படத்தின் படபிடிப்பு பணிகள் தொடங்கி நடைபெறுவதாக சத்யஜோதி பிலிம்ஸ் தயாரிப்பு நிறுவனம் அதிகாரப்பூர்வமாக அறிவித்துள்ளது.
செந்தில் தியாகராஜன் தயாரிக்கும் இத்திரைப்படத்தில் சிவகார்த்திகேயன் கல்லூரி மாணவராக நடிக்கிறார்.
நெட்பிளிக்ஸ் டிரண்டிங்கில் சூர்யாவின் விஸ்வநாத்&சன்ஸ்
சூர்யாவின் விஸ்வநாத்&சன்ஸ் திரைப்படம் நெட்பிளிக்ஸ் ஓடிடி தளத்தில் வெளியான இரண்டு வாரத்தில் 11 மில்லியன் பார்வையாளர்களை கடந்து டிரண்டிங்கில் இடம் பிடித்துள்ளது. 40 வயது ஆணுக்கும் 20 வயது இளம் பெண்ணுக்கும் இடையே நிகழும் காதல் சம்பவங்களை மையமாக வைத்து உருவான இத்திரைப்படம் 200 கோடி ரூபாய்க்கும் மேல் வசூலித்தது.
