கருட வாகனத்தில் கல்யாண வெங்கட்ரமண சுவாமி எழுந்தருளல்

தென் திருப்பதி என்று அழைக்கப்படும் அருள்மிகு ஸ்ரீ கல்யாண வெங்கட்ரமண சுவாமி ஆலயத்தில் புரட்டாசி மாத பெரும் திருவிழாவை முன்னிட்டு கொடியேற்றத்துடன்
நாள்தோறும் சுவாமி சிறப்பு வாகனத்தில் பக்தர்களுக்கு திருவீதி உலா காட்சி தருகிறார்.

இந்த நிலையில் இன்று கல்யாண வெங்கட்ரமண சுவாமி வெள்ளி கருட வாகனத்தில் திருவீதி உலா காட்சி அளித்தார். நிகழ்ச்சியை முன்னிட்டு ஆலய மண்டபத்தில் இருந்து மேள தாளங்கள் முழங்க புறப்பட்ட சுவாமியின் திருவீதி உலா ஆலய முக்கிய வீதியில் வழியாக வலம் வந்த பிறகு மீண்டும் ஆலயம் வந்தடைந்தது.

ஆலயம் வந்த கல்யாண வெங்கட்ரமண சுவாமிக்கு ஆலயத்தின் பட்டாச்சாரியார் துளசியால் நாமாவளிகள் கூறிய பிறகு மகா தீபாராதனை காட்டினார். தொடர்ந்து அனைவருக்கும் பிரசாதங்கள் வழங்கப்பட்டது.

கரூர் தான்தோன்றி மலை அருள்மிகு ஸ்ரீ கல்யாண வெங்கட்ரமண ஸ்வாமி ஆலயத்தில் புரட்டாசி பெரும் திருவிழாவை முன்னிட்டு வெள்ளி கருட வாகன திருவீதி உலா நிகழ்ச்சியை காண ஏராளமான ஆன்மீக பக்தர்கள் காத்திருந்து சுவாமி தரிசனம் செய்தனர். நிகழ்ச்சியின் ஏற்பாட்டை ஆலய நிர்வாகிகள் சார்பாக சிறப்பாக செய்திருந்தனர்.