வரலாறு காணாத வகையில் ரூபாயின் மதிப்பு வீழ்ச்சி

ரூபாயின் மதிப்பு வீழ்ச்சி :

சர்வதேச அளவில் கச்சா எண்ணெய் விலை உயர்ந்து வரும் நிலையில் பன்னாட்டு செலாவணி சந்தையில் இந்திய ரூபாயின் மதிப்பு வரலாற்றில் இல்லாத அளவுக்கு வீழ்ச்சியை சந்தித்துள்ளது. வெள்ளிக்கிழமை அன்று டாலருக்கு நிகரான இந்திய ரூபாயின் மதிப்பு 93 புள்ளி 73 காசுகளாக இருந்த நிலையில், இன்று அது 93 புள்ளி 94 காசுகளாக உயர்ந்து 94 ரூபாயை தொடும் நிலையில் உள்ளது.

மத்திய கிழக்கில் தொடர்ந்து நடக்கும் போர் காரணமாக சர்வதேச சந்தையில் கச்சா எண்ணெயின் விலை அதிகரிப்பது மட்டுமின்றி அதன் விநியோகமும் பாதிக்கப்படலாம் என்ற அச்சம் ஏற்பட்டுள்ளதால், டாலரின் மதிப்பு அதிகரித்து இந்திய ரூபாயின் மதிப்பு சரிந்து வருகிறது. இந்திய ரூபாய் மட்டுமின்றி இதர ஆசிய கரன்சிகளும் பூஜ்யம் புள்ளி 1 முதல் பூஜ்யம் புள்ளி எட்டு சதவிகிதம் வரை வீழ்ச்சியை சந்தித்துள்ளன.