நோ பால் கொடுக்காத கோபத்தில் விராட் கோலி குப்பை தொட்டியை அடித்து நொறுக்கும் காட்சிகள் வைரலாகி வருகிறது. கொல்கத்தா நைட் ரைடர்ஸ்- ராயல் சேலஞ்சர்ஸ் பெங்களூரு அணிகளுக்கு இடையேயான போட்டியில் ராயல் சேலஞ்சர்ஸ் அணி 223 ரன்கள் எடுத்தால் வெற்றி என்ற இலக்குடன் களம் இறங்கிய நிலையில் 1 ரன் வித்தியாசத்தில் தோல்வியைத் தழுவியது. ஹர்ஷித் ராணா வீசிய ஸ்லோ ஃபுல்டாஸ் பந்தை கோலி கிரீசுக்கு வெளியே இறங்கி வந்து ஆட, அது எதிர்பாராத விதமாக ராணாவிடமே கேட்ச் ஆகிவிட்டது.பந்து இடுப்பு உயரத்திற்கு மேலே சென்றதால் கோலி நோ-பால் கேட்க, தொழில்நுட்பம் மூலம் ஆய்வு செய்த நடுவர்கள் நோ-பால் கொடுக்க மறுத்துவிட்டனர்.