சரவெடிகள் தயாரிக்க அனுமதி: உச்சநீதிமன்றம் உத்தரவு

பேரியம் பட்டாசுகள் குறித்து அக்டோபர் 15-ல் முடிவு

சரவெடிகளை கட்டுப்பாடுகளுடன் தயாரிக்கலாம் என்ற மத்திய அரசின் நிலைப்பாட்டை ஏற்ற உச்சநீதிமன்றம், சரவெடிகள் தயாரிக்கவும், விற்பனை செய்யவும் அனுமதி வழங்கியுள்ளது. பேரியம் கலந்த பட்டாசுகள் தொடர்பான சோதனை முடிவுகளின் அடிப்படையில் அடுத்தகட்ட முடிவு எடுக்கப்படும் என நீதிமன்றம் தெரிவித்துள்ளது.

மேலும், பட்டாசு வெடிக்கும் நேரத்துக்கு கால வரம்பு நிர்ணயிக்கப்படும் என்றும் கூறி, வழக்கை அக்டோபர் 15-ம் தேதிக்கு உச்சநீதிமன்றம் ஒத்திவைத்தது.

ரஃபேல் விமானங்களில் இந்தியாவின் உள்நாட்டுத் தயாரிப்பு

பிரான்ஸிடமிருந்து வாங்க முன்மொழியப்பட்டுள்ள 114 ரஃபேல் மல்டிரோல் போர் விமானங்களில், இந்தியாவின் உள்நாட்டுத் தயாரிப்பு ஆயுதங்களை இணைப்பதற்கு கூடுதல் நெகிழ்வுத்தன்மையை (Flexibility) வழங்க பிரான்ஸ் ஒப்புக்கொண்டுள்ளது.

இந்தியாவின் அஸ்த்ரா மற்றும் பிரம்மோஸ்-என்ஜி போன்ற உள்நாட்டு ஆயுதங்களை இணைப்பதற்கான தொழில்நுட்பக் கட்டுப்பாட்டு ஆவணங்களை வழங்க சம்மதித்துள்ளது. பிரான்ஸின் இந்த முடிவு, இந்திய விமானப்படை மற்றும் கடற்படையின் செயல்பாட்டுத் திறனைப் பல மடங்கு அதிகரித்துள்ளது.