எல் நினோ நிகழ்வு 2027 பிப்ரவரி வரை நீடிக்க வாய்ப்பு

உலக வானிலை அமைப்பு எச்சரிக்கை

எல் நினோ நிகழ்வு 2027 பிப்ரவரி வரை நீடிக்க கிட்டத்தட்ட 100சதவிகிதம் வாய்ப்பு உள்ளதாக, உலக வானிலை அமைப்பு தெரிவித்துள்ளது. மேலும், இது இதுவரை பதிவான மிக வலுவான எல் நினோ நிகழ்வாக மாறக்கூடும் என்றும் எச்சரிக்கை விடப்பட்டுள்ளது.

இதனால் உலகின் பல பகுதிகளில் கடும் வெப்பம், வறட்சி, கனமழை மற்றும் வெள்ளம் போன்ற தீவிர வானிலை பாதிப்புகள் அதிகரிக்கலாம் என தெரிவிக்கப்பட்டுள்ளது.

உக்ரைனுக்கு பைடன் நிர்வாகம் வழங்கிய ஆயுதங்கள்

உக்ரைனுக்கு எவ்விதக் கட்டணமும் இன்றி பைடன் நிர்வாகம் இலவசமாக வாரி வழங்கிய ஆயுதங்களுக்கான பணத்தை அமெரிக்கா கேட்டுப் பெறும் என அதிபர் ட்ரம்ப் அதிரடியாக அறிவித்துள்ளார்.

அந்த பில்லியன் கணக்கான டாலர் நிதியை ஐரோப்பிய நாடுகளே ஏற்றுக்கொண்டிருக்க வேண்டும் என்றும், தாமதமானாலும் அந்த நிதியை அமெரிக்கா விரைவில் திரும்பக் கேட்கும் என்றும் அவர் தெரிவித்துள்ளார்.

பெருக்கெடுத்து ஓடிய வெள்ளத்தில் அடித்துச் செல்லப்பட்ட நபர்

சீனாவின் புட்டியான் ((Putian)) பகுதியில் பெருக்கெடுத்து ஓடிய வெள்ளத்தில் அடித்துச் செல்லப்பட்ட நபரை, முன்னாள் ராணுவ வீரர் ஒருவர் தனது உயிரை பணயம் வைத்து பத்திரமாக மீட்டார். கிழக்கு சீனாவின் ஃபுஜியான் மாகாணத்தில் வீசிய Saudel சூறாவளியால், பல்வேறு பகுதிகளிலும் கடும் வெள்ளப்பெருக்கு ஏற்பட்டது.