உள்நாட்டு உற்பத்தியாளர்கள் புகாரில் DGTR நடவடிக்கை

• சீனாவில் இருந்து இறக்குமதி செய்யப்படும் 5 முக்கியப் பொருட்கள் மீது இந்தியா எதிர்-விலை குறைப்பு ((Anti-dumping)) விசாரணைகளைத் தொடங்கியுள்ளது. உள்நாட்டு உற்பத்தியாளர்கள் கொடுத்த புகார்களின் அடிப்படையில், வணிகத் தீர்வுகள் பொது இயக்குநரகம் ((DGTR)) இந்த நடவடிக்கையை எடுத்துள்ளது.

• சீன நிறுவனங்கள் மிகக் குறைந்த விலையில் பொருட்களை இந்தியச் சந்தையில் குவிப்பதால் ((Dumping)), தங்களின் தொழில் கடுமையாகப் பாதிக்கப்படுவதாக உள்நாட்டு நிறுவனங்கள் குற்றஞ்சாட்டியுள்ளன.

இந்தி கற்றுக்கொள் அல்லது வேலையை விட்டு வெளியேறு

• கர்நாடகா  மாநிலம் பெங்களூருவில் சொமேட்டோ கிடங்கு மேற்பார்வையாளர், ஊழியர்கள் இந்தி கற்றுக்கொள்ள வேண்டும், இல்லையெனில் வேலையை விட்டு செல்லலாம் எனக் கூறிய வீடியோ சமூக வலைதளங்களில் வைரலான நிலையில், கன்னட அமைப்புகள் கடும் எதிர்ப்பு தெரிவித்துள்ளன.

• பதற்றத்தை தணிக்க மேற்பார்வையாளரை பிடித்து போலீசார் விசாரணை மேற்கொண்ட நிலையில், அவர் கன்னடத்தில் மன்னிப்பு கோரிய வீடியோவும் வெளியானது.

பாகிஸ்தானில் இருந்து டிரோன்கள் மூலம் போதைப்பொருள் கடத்தல்

• பாகிஸ்தானில் இருந்து டிரோன்கள் மூலம் போதைப்பொருட்கள் மற்றும் ஆயுதங்களைக் கடத்தி வந்த கும்பலை ஜம்மு-காஷ்மீர் போலீசார் கைது செய்தனர். உளவுத்துறை கொடுத்த ரகசியத் தகவலின் அடிப்படையில், ஜம்மு-காஷ்மீரின் எல்லைப் பகுதியான ஆர்னியா பகுதியில் போலீசார் சோதனையில் ஈடுபட்டனர்.

• அப்போது, கைது செய்யப்பட்டவர்களிடம் இருந்து கைத்துப்பாக்கிகள், தோட்டாக்கள் மற்றும் பல கோடி ரூபாய் மதிப்புள்ள போதைப்பொருட்கள் பறிமுதல் செய்யப்பட்டுள்ளன.

Related Link

டெல்லியில் வரும் 10-ஆம் தேதி போராட்டம்