அக்.16-ம் தேதிக்கு பதில் நவம்பர் 6-ம் தேதி வெளியாகிறது

• விஜய் ஆண்டனி நடித்துள்ள "அப்பா குட்டி" திரைப்படத்தின் வெளியீட்டு தேதி ஒத்திவைக்கப்பட்டுள்ளதாக படக்குழு அறிவித்துள்ளது. படம் வரும் 16-ம் தேதி வெளியாகும் என அறிவிக்கப்பட்டிருந்த நிலையில், நடிகர் ரஜினிகாந்த் நடித்துள்ள "ஜெயிலர் -2" திரைப்படத்தின் வெளியீட்டால் தள்ளி வைக்கப்பட்டுள்ளதாக படக்குழுவினர் தெரிவித்துள்ளனர். அதன்படி, படம் நவம்பர் 6-ம் தேதி வெளியாகும் என தெரிவிக்கப்பட்டுள்ளது.

"ஹைக்கூ" திரைப்படத்தின் முதல் பாடல்

• ஏகன் நடிக்கும் "ஹைக்கூ" திரைப்படத்தின் முதல் பாடலை படக்குழு வெளியிட்டுள்ளது. மோகன்ராஜன் எழுதிய "கருவிழி" என்ற பாடலை சித்துகுமார் இசையில் அர்மான் மாலிக் பாடியுள்ளார்.

• யுவராஜ் சின்னசாமி இயக்கத்தில், ஹரிஹரன் ராம் கூடுதல் திரைக்கதை எழுதியுள்ள இந்த படத்தில், ஏகனுடன், மின்னல் முரளி, பெமினா ஜார்ஜ், ஸ்ரீதேவி அப்பல்லா ஆகியோர் முக்கிய கதாபாத்திரங்களில் நடித்துள்ளனர். இந்த படம் வரும் 23-ம் தேதி வெளியாகவுள்ளது.

Related Link

"இறுதிப்பக்கம் - 2" திரைப்படத்தின் ஃபர்ஸ்ட் லுக் போஸ்டர்