தொடர்ந்து கனமழை பெய்ததால் ஆட்டம் கைவிடப்பட்டது

• இந்தியா - மேற்கிந்திய தீவுகள் இடையிலான கடைசி மற்றும் 5-வது டி20 ஆட்டம் மழையால் பாதிக்கப்பட்ட நிலையில், இரு அணிகளுக்கும் கூட்டாக கோப்பை வழங்கப்பட்டது. 5 ஆட்டங்கள் கொண்ட தொடரில் இரு அணிகளும் தலா 2 ஆட்டங்களில் வெற்றிபெற்று 2-க்கு 2 என சமனில் இருந்தன. இந்த சூழலில், 5-வது போட்டி, மழையால் 9 ஓவர்களாக குறைக்கப்பட்டது.

• முதலில் களமிறங்கிய இந்தியா 7.4 ஓவர்களில் 5 விக்கெட் இழப்புக்கு 118 ரன்கள் எடுத்திருந்தபோது, தொடர்ந்து மழை பெய்ததால் ஆட்டம் கைவிடப்பட்டது.

உலக ஸ்கேட்டிங் விளையாட்டில் இந்தியா அபாரம்

• உலக ஸ்கேட்டிங் விளையாட்டில் இந்தியாவின் விஷ்ணு பிரசாத் தங்கமும், லோனாத் வெள்ளிப்பதக்கம் கைப்பற்றினர். பராகுவேயில் நடைபெற்ற ஜூனியர் ஆண்களுக்கான ஒன் லாப் ஸ்பீடு ஸ்கேட்டிங் போட்டியில், 44 பேர் பங்கேற்றதில் விஷ்ணு பிரசாத், ஆர்.ஏ.லோனாத் ஆகியோர் முறையே முதல் 2 இடங்களையும் பிடித்தனர்.

• விஷ்ணு, 00.30.394 விநாடி நேரத்தில் வந்து முதலிடம் பிடித்து, தங்கப்பதக்கம் வென்றார். 0.025 விநாடி பின்தங்கிய லோனாத், 2-வது இடம் பெற்று வெள்ளிப்பதக்கம் வென்றார்.

Related Link

இந்தியாவின் அம்ருதா பூஜாரி அபார வெற்றி