நாட்டுக்கு அர்ப்பணித்த மத்திய அமைச்சர் ராஜ்நாத் சிங்

• விசாகப்பட்டினத்தில் உள்ள இந்துஸ்தான் கப்பல் கட்டும் தளத்தில் முதலாவது உள்நாட்டு கடற்படை ஆதரவு கப்பலான சூர்யாவை மத்திய பாதுகாப்புத்துறை அமைச்சர் ராஜ்நாத் சிங் நாட்டிற்கு அர்ப்பணித்தார்.

• மேலும், 5வது கப்பலுக்கான அடித்தள கட்டமைப்பு பணியை தொடங்கி வைத்த அவர், மேம்படுத்தப்பட்ட ஸ்லிப்வே, 4 ஆயிரத்து 300 டன் திறன் கொண்ட கோலியாத் கிரேனையும் பயன்பாட்டிற்கு கொண்டுவந்தார்.

ஆம் ஆத்மி நிர்வாகி மர்ம நபர்களால் சுட்டுக்கொலை

• பஞ்சாப்பில் ஆம் ஆத்மி நிர்வாகி மர்ம நபர்களால் சுட்டுக் கொல்லப்பட்டார். டார்ன் டாரன் மாவட்டம் டூட் கிராமத்தின் ஆம் ஆத்மி கட்சி தலைவர் அஸ்வினி குமார், பட்டி பகுதியில் காரில் சென்றபோது, பைக்கில் வந்த மர்ம நபர்கள் சரமாரியாக சுட்டனர்.

• இதில் அஸ்வினி குமார் நிகழ்விடத்திலேயே உயிரிழந்த நிலையில், அவரது உதவியாளர் சாம்கூர் சிங் படுகாயமடைந்தார்.

போராட்டம் எதிரொலி - ஜந்தர் மந்தர் செல்லும் சாலை மூடல்

• டெல்லி ஜந்தர் மந்தர் செல்லும் சாலையில் பேரிகார்டுகள் அமைத்து மூடப்பட்ட நிலையில், ஏராளமான போலீசார் குவிக்கப்பட்டு பாதுகாப்பு பணியில் ஈடுபட்டுள்ளனர். இந்தியா கூட்டணி போராட்டத்தை தொடர்ந்து கண்காணிப்பு பணிகள் தீவிரப்படுத்தப்பட்டுள்ளன.

Related Link

உத்தரகாண்டில் 4.9 ரிக்டர் அளவில் ஏற்பட்ட நிலநடுக்கம்