TEXLA திரைப்படத்தின், பூஜைக்கு திரண்டு வந்த திரையுலகம், வாழ்த்துக்களை தெரிவித்து உள்ளது. ஐஸ்வர்யா ரஜினிகாந்த்ஐஸ்வர்யா ரஜினிகாந்த் இயக்கத்தில் உருவாகும் ‘டெக்ஸ்லா’ திரைப்படத்தில் ஜெய், சுராஜ் வெஞ்சரமூடு, ஆனந்தராஜ், ஜி.எம்.சுந்தர், ஜார்ஜ் மரியன் உள்ளிட்ட பலர் நடிக்கின்றனர். யுவன் சங்கர் ராஜா இசை அமைக்கும் இந்த திரைப்படத்தைக் கண்ணன் ரவி குழுமம் சார்பில், கண்ணன் ரவி தயாரிக்கிறார். தீபக் ரவி இணை தயாரிப்பு செய்கிறார். இப்படத்தின், பூஜை சென்னையில் நடந்தது.சீமான் பங்கேற்பு, வாழ்த்து இந்த விழாவில், திரைப் படக் குழுவினருடன் நாம் தமிழர் கட்சியின் தலைமை ஒருங்கிணைப்பாளர் சீமான், லதா ரஜினிகாந்த், தயாரிப்பாளர் ஆர்.பி.சவுத்ரி, இயக்குநர் பாலா, நடிகர் சமுத்திரக்கனி ஆகியோர் சிறப்பு விருந்தினர்களாகக் கலந்து கொண்டனர். ஒரு நல்ல தொடக்கம்சீமான் பேசியதாவது;ஒரு நல்ல தொடக்கம் பாதி வெற்றிக்குச் சமம் என்று சொல்கிறார்கள். அந்த வகையில் ‘டெக்ஸ்லா’ படத்தின் தொடக்கம் சிறப்பாக அமைந்திருக்கிறது. இங்கு ஒரு படம் தயாரிப்பதற்கு எவ்வளவு பிரச்சினைகள் இருக்கின்றன என்று தெரியும்.தயாரிப்பாளர் கண்ணன் ரவி ஒரே நேரத்தில் 16 திரைப்படங்களைத் தயாரித்துக் கொண்டிருக்கிறார். இதன் மூலம் அவர் சினிமா மீது வைத்திருக்கும் பேரன்பையும், பெரும் காதலையும் நாம் புரிந்து கொள்ள முடியும். அவரது தயாரிப்பில் அண்மையில் வெளியான ‘தலைவர் தம்பி தலைமையில்’ திரைப்படம் பெரிய வெற்றியைப் பெற்றிருக்கிறது. இதற்கு அடுத்து இந்த படத்தைத் தொடங்கி இருக்கிறார்கள். ஒரு வெற்றி என்பது பலருடைய வாழ்க்கையில் பெரும் கொண்டாட்டமாக அமைந்து விடுகிறது. எப்படிப் பார்த்தாலும் வெற்றிக்குத் தேவை கடுமையான உழைப்பு தான். கடுமையாக உழைக்கக் கூடிய கலைஞர்கள் ஒன்றிணைந்து உள்ளனர், வாழ்த்துக்கள்.இவ்வாறு சீமான் பேசினார். கவனம் பெற்ற டீசர் Texla திரைப்படத்தின் டைட்டில் டீசர், ரசிகர்களைப் பழைய நினைவுகளுக்கு அழைத்துச் சென்றது. கிராமத்துப் பின்னணியில், ஏழ்மையான சிறுவர்கள் ஒரு குடிசையில் அமர்ந்து சினிமா பார்ப்பதற்காகக் காத்திருக்கும் காட்சிகள் டீசரில் இடம் பெற்றிருந்தன. சூரிய ஒளியைக் கண்ணாடித் துண்டு மூலம் பிரதிபலிக்கச் செய்து, துணித் திரையில் ‘டெக்ஸ்லா’ என்ற பெயர் ஒளிர்வது போன்ற அந்த டீசர், கடந்த காலத்தின் மீதான ஏக்கத்தையும், சினிமா மீதான காதலையும் பிரதிபலித்து உள்ளது. Related Link "மனைவி, மகளை விரட்டிவிட்டு மகளிர் தினவிழா"