ஏ.பி. சிங் இம்மாத இறுதியில் பணி ஓய்வு

• இந்திய விமானப்படைத் தலைமைத் தளபதி ஏ.பி. சிங், இம்மாத இறுதியில் ஓய்வு பெற உள்ளதையொட்டி, உள்நாட்டில் தயாரிக்கப்பட்ட தேஜஸ் போர் விமானத்தில் தனது கடைசி பயணத்தை மேற்கொண்டார்.

• ராஜஸ்தானின் ஜோத்பூரில் நடைபெற்ற தரங் சக்தி 2026 பயிற்சியின்போது, வெளிநாட்டு விமானங்கள் மற்றும் சூர்யகிரண் ஏரோபாட்டிக் குழுவுடன் அவர் பறந்தார்.

எல்லை வழியாக ஊடுருவ முயன்ற 4 பயங்கரவாதிகள் கொலை

• ஜம்மு காஷ்மீரின் பூஞ்ச் மாவட்டத்தில், எல்லை வழியாக ஊடுருவ முயன்ற நான்கு பயங்கரவாதிகள் கொல்லப்பட்டனர். கிருஷ்ணா காடி பகுதியில், ராணுவம் பாதுகாப்புக்காக அமைத்திருந்த கண்ணிவெடியில் சிக்கி அவர்கள் உயிரிழந்ததாகத் தகவல் வெளியாகியுள்ளது.

• கொல்லப்பட்டவர்களில் லஷ்கர்-இ-தொய்பா அமைப்பின் முக்கியத் தளபதி முகமது பைசானும் ஒருவர் எனத் தெரிவிக்கப்பட்டுள்ளது.

இந்தியா-அமெரிக்கா இடையே நல்ல வர்த்தக முன்னேற்றம்

• இந்தியா-அமெரிக்கா இடையே பல்வேறு துறைகளில் ஒத்துழைப்பு விரிவடைந்து வருவதாக இந்தியாவுக்கான அமெரிக்கத் தூதர் செர்ஜியோ கோர் தெரிவித்துள்ளார்.

• பாதுகாப்பு, தகவல் தொழில்நுட்பம், சுகாதாரம் உள்ளிட்ட துறைகளில் இரு நாடுகளும் இணைந்து செயல்பட்டு வருவதாகவும், இந்தியாவிலிருந்து மருந்துகளை இறக்குமதி செய்வதில் அமெரிக்கா நம்பிக்கை கொண்டுள்ளதாகவும் அவர் கூறினார்.

Related Link

இந்தியாவில் ஸ்டார்லிங்க் தடுக்கப்படுகிறதா? சீண்டும் எலான் மஸ்க்