தீ விபத்துக்கான காரணம் குறித்து விசாரணை

• வங்கதேசத்தில் உள்ள பிரபல சுற்றுலா விடுதியில் ஏற்பட்ட தீ விபத்தில் 10 பேர் உயிரிழந்தனர். காக்ஸ் பஜார் மாவட்டம், இனானி கடற்கரை அருகே உள்ள ரிசார்ட்டில் அதிகாலையில் தீ விபத்து ஏற்பட்டுள்ளது.

• மரத்தால் கட்டப்பட்டிருந்த கட்டடம் முழுவதும் தீ வேகமாகப் பரவியதால், அங்கு தங்கியிருந்த சுற்றுலாப் பயணிகள் சிக்கிக்கொண்டனர். தீ விபத்துக்கான காரணம் குறித்து அதிகாரிகள் விசாரணை நடத்தி வருகின்றனர்.

அமெரிக்க வெள்ளை மாளிகையின் செய்தித் தொடர்பாளர்

• அமெரிக்க வெள்ளை மாளிகையின் செய்தித் தொடர்பாளர் பதவியில் இருந்து கேட்டி ஜக்காரியா, வெறும் 5 நாட்களில் விலகியுள்ளார். அதிபர் டொனால்ட் டிரம்ப் நியமித்த இவர், முதல் செய்தியாளர் சந்திப்பில் எழுந்த விமர்சனங்கள் மற்றும் வழக்கறிஞர் தகுதி குறித்த சர்ச்சைகளைத் தொடர்ந்து பதவியில் இருந்து வெளியேறியுள்ளார்.

கடல் கண்ணி வெடியில் சிக்கி தீப்பிடித்த கப்பல்

• ஈரானின் ஹார்முஸ் ஜலசந்தி பகுதியில் 20 லட்சத்துக்கும் அதிகமான கச்சா எண்ணெய் பேரல்களை ஏற்றிச் சென்ற கப்பல் கடல் கண்ணி வெடியில் சிக்கி தீப்பிடித்து எரிந்ததாக ஈரான் இஸ்லாமிய புரட்சிகர காவல் படை தெரிவித்துள்ளது.
  

• சட்ட விரோதமாக ஜலசந்தி பகுதியை கடக்கும் நோக்கில், அக்கப்பல் அதன் அனைத்து கண்காணிப்பு மற்றும் ரேடார் அமைப்புகளையும் அணைத்துவிட்டு சென்றதாக ஈரான் குற்றஞ்சாட்டியுள்ளது.

Related Link

கென்யாவில் எபோலா வைரஸ் மூன்றாவது பாதிப்பு உறுதி