தமிழக வீரர் சிவராஜன் சோலைமலையை பாராட்டி உள்ள முதல்வர் விஜய், 50 லட்சம் ரூபாய் ஊக்கத்தொகை அறிவித்துள்ளார்.

பேட்மிண்டன் ஆண்கள் இரட்டையர் பிரிவில்...
இதுதொடர்பாக, முதல்வர் விஜய் கூறி இருப்பதாவது;
ஜப்பானில் நடைபெற்றுவரும் 5ஆவது பாரா ஆசிய விளையாட்டுப் போட்டிகளில் பேட்மிண்டன் விளையாட்டில் ஆண்கள் இரட்டையர் பிரிவில் வெள்ளிப் பதக்கம் வென்ற இந்திய அணிக்கும், அணியில் இடம் பெற்றுள்ள தமிழ்நாட்டைச் சேர்ந்த வீரர் சிவராஜன் சோலைமலைக்கும் எனது மனமார்ந்த வாழ்த்துக்கள் மற்றும் பாராட்டுக்கள்.

ரூ.50 லட்சம் ஊக்கத்தொகை
வீரர் சிவராஜன் சோலைமலை சாதனையைப் பாராட்டும் வகையில், தமிழ்நாடு அரசு சார்பில் ரூ.50 லட்சம் உயரிய ஊக்கத்தொகை வழங்கப்படும். அவரது கடின உழைப்பு மற்றும் விடாமுயற்சியால் இந்த சாதனையைப் படைத்துள்ளார்.

தமிழ்நாட்டின் இளம் பாரா விளையாட்டு வீரர், வீராங்கனைகளுக்கு புதிய ஊக்கத்தை அளித்திடும் வகையில் அவரது வெற்றி அமைந்து உள்ளது. வீரர் சிவராஜன் சோலைமலை மேலும் பல வெற்றிகளைப் பெற்று தமிழ்நாட்டிற்கும், இந்தியாவிற்கும் பெருமை சேர்க்க வாழ்த்துக்கள்.
இவ்வாறு முதல்வர் விஜய் கூறி உள்ளார்.

வெள்ளி வென்ற வீராங்கனைக்கும் வாழ்த்து
இதுதொடர்பாக, முதல்வர் விஜய் கூறி இருப்பதாவது;
ஜப்பானில் நடைபெற்றுவரும் 5ஆவது பாரா ஆசிய விளையாட்டுப் போட்டிகளில், பெண்களுக்கான வலுதூக்குதல் போட்டியில், 67 கிலோ எடைப் பிரிவில் வெள்ளிப் பதக்கம் வென்று தமிழ்நாட்டிற்கும், இந்தியாவிற்கும் பெருமை சேர்த்துள்ள வீராங்கனை கஸ்தூரி ராஜாமணிக்கு எனது மனமார்ந்த பாராட்டுகளையும், நல்வாழ்த்துகளையும் தெரிவித்துக் கொள்கிறேன்.

ரூ.50 லட்சம் ஊக்கத்தொகை
அவரது சாதனையைப் பாராட்டும் வகையில், தமிழ்நாடு அரசு சார்பில் ரூ.50 லட்சம் உயரிய ஊக்கத்தொகை வழங்கப்படும். வீராங்கனை கஸ்தூரி ராஜாமணியின் தன்னம்பிக்கை, அயராத உழைப்பு, விடாமுயற்சி ஆகியவற்றின் மூலம் பெற்றுள்ள இந்த மகத்தான வெற்றி, தமிழ்நாட்டின் இளம் பாரா விளையாட்டு வீரர், வீராங்கனைகளுக்குப் புதிய உத்வேகத்தை அளிக்கும்.

அவர் தொடர்ந்து பல வெற்றிகளைப் பெற்று தமிழ்நாட்டிற்கும், இந்தியாவிற்கும் பெருமை சேர்க்க எனது வாழ்த்துக்கள்.
இவ்வாறு முதலமைச்சர் விஜய் கூறி உள்ளார்.

Related Link

ஜெஹான் டொரப் மதன், பேபி சஹானாவுக்கு முதல்வர் வாழ்த்து