யு.எஸ். ஓபன் டென்னிஸ் ஒற்றையர் பிரிவு முதல் சுற்றிலேயே உலகின் முன்னணி வீரரான செர்பியாவின் ஜோகோவிச் அதிர்ச்சி தோல்வியடைந்து வெளியேறினார். 20 ஆண்டுகளுக்கு பிறகு முதல் சுற்றில் தோல்வியடைந்துள்ளார். ஆண்கள் ஒற்றையர் பிரிவு முதல் சுற்றில், உலகின் 'நம்பர்-5'வது வீரரான அவர், ஏ.டி.பி. ஒற்றையர் தரவரிசையில் 49வது இடத்தில் உள்ள அர்ஜென்டினாவின் மரியானோ நவோனிடம் 6-க்கு 7, 7-க்கு 5, 6-க்கு 4, 2-க்கு 6, 1-க்கு 6 என்ற செட் கணக்கில் போராடி தோல்வியை தழுவினார்.

இங்கிலாந்துக்கு எதிரான 2 டெஸ்ட் போட்டிகளில் தோல்வி
இங்கிலாந்துக்கு எதிரான 2 டெஸ்ட் போட்டிகளில் தோல்வியை தழுவியதால், 2 முக்கிய வீரர்களை நாடு திரும்புமாறு பாகிஸ்தான் கிரிக்கெட் வாரியம் கேட்டுக் கொண்டுள்ளது. விக்கெட் கீப்பர் முகமது ரிஸ்வான் மற்றும் தொடக்க வீரர் இமாம் உல் ஹக் ஆகியோரை நாடு திரும்புமாறு கேட்டுக் கொண்டுள்ளது. இமாம் உல் ஹக் 2-வது போட்டியின் முதல் நாளில் காயமடைந்ததாக கூறி வெளியேறினார். பாகிஸ்தான் மோசமான நிலையில் இருந்தபோதிலும் பேட்டிங் செய்ய வரவில்லை.

உலக டெஸ்ட் சாம்பியன்ஷிப் புள்ளிகள் பட்டியல்
பாகிஸ்தானை 2-வது டெஸ்டில் வீழ்த்தியதன் மூலம் இங்கிலாந்து அணி உலக டெஸ்ட் சாம்பியன்ஷிப் புள்ளிகள் பட்டியலில் 6-வது இடத்துக்கு முன்னேறியுள்ளது. அந்த அணி 34.44 சதவீத புள்ளிகள் பெற்றுள்ளது.  இலங்கை அணி 33.33 சதவீத புள்ளிகளுடன் 7-வது இடத்துக்கு பின்தங்கியுள்ளது. அதேசமயம், பாகிஸ்தான் அணி 19.05 புள்ளியில் இருந்து 16.67 சதவீத புள்ளிகளுக்கு சரிந்து கடைசி இடமான 9-வது இடத்தில் இருக்கிறது. முதல் இடத்தில் ஆஸ்திரேலியாவும், 5-வது இடத்தில் இந்தியாவும் உள்ளன.

Related Link

"சர்தார் - 2" டிரெய்லர் வெளியாகி வரவேற்பு