கோவை மத்திய சிறையில் இருந்து நாம் தமிழர் கட்சி பெண் நிர்வாகி கார்த்திகா விடுவிக்கப்பட்டார். முதல்வர் விஜய் பிரச்சாரம் செய்த பாதையில் இடையூறு ஏற்படுத்திய வழக்கில் கைதாகி ஜாமீனில் வெளியே வந்தார்.

தாராபுரம் நாதக வேட்பாளர்
தாராபுரம் சட்டப்பேரவை தொகுதிக்கான இடைத்தேர்தலின் போது தவெக வேட்​பாளர் சத்​ய​பா​மாவை ஆதரித்​து முதல்​வர் விஜய், அக்டோபர் 4ஆம் தேதி, வாகன பிரச்​சா​ரத்​தில் ஈடு​பட்​டார்.

அப்போது வீராச்சிமங்​கலம் என்ற பகு​தி​யில் முதல்​வர் செல்​வதற்கு சற்று முன்​பாக, நாம் தமிழர் கட்​சி வேட்​பாளர் கார்த்​திகா, கட்சியினருடன் வாகன பேரணி​யாக வந்தார். முதல்​வர் வருகைக்​காக அங்கு நின்​றிருந்த காவலர்கள், பாது​காப்பு கருதி, மாற்று வழி​யில் செல்​லு​மாறு அறி​வுறுத்​தினர்.

காவலர்களுடன் வாக்குவாதம்
அப்​போது, நாதக​வினர் வாக்​கு​வாதத்​தில் ஈடுபட்டனர். அதற்​குள் முதல்​வரின் வாக​னம் அவ்​வழி​யாக வரத்​தொடங்​கியது. இந்நிலையில், இதுதொடர்பாக வழக்குப் பதிவு செய்யப்பட்டது.

தேர்தல் பிரச்சாரத்தில், பேனர் அகற்றப்பட்ட விவகாரத்தில் காவல் நிலையத்தை கார்த்திகா தலைமையில் நாதகவினர் முற்றுகையிட்டனர். இது தொடர்பாகவும் அவர் மீது வழக்கு பதிவு செய்யப்பட்டது.

வீடு புகுந்து கைது
இந்நிலையில், கடந்த 20ஆம் தேதி, கோவையில் உள்ள இல்லத்தில் கார்த்திகாவை போலீசார் கைது செய்தனர். அதிகாலை நேரத்தில் அவரை கைது செய்த போலீசார், இரவு உடையில் விசாரணைக்கு அழைத்து சென்றது குறித்து விமர்சனம் எழுந்தது.

கார்த்திகா உட்பட நாதகவின் 12 பேர் இந்த வழக்கில் கைது செய்யப்பட்டனர்.

தலைவர்கள் கண்டனம்
நாதக தலைமை ஒருங்கிணைப்பாளர் சீமான், திமுக தலைவர் ஸ்டாலின், கனிமொழி எம்பி, அன்புமணி உட்பட பல்வேறு அரசியல் கட்சி தலைவர்கள், கார்த்திகாவின் கைதுக்கு கண்டனம் தெரிவித்தனர்.

இந்த சூழலில் கைது செய்யப்பட்ட நாதகவினர் நீதிமன்றத்தில் ஆஜர் படுத்தப்பட்டனர். பின்னர் நீதிமன்ற காவலில் கோவை மத்திய சிறையில்
அடைக்கப்பட்டனர்.

நீதிமன்றத்தில் ஜாமீன்
இந்நிலையில், 12 பேரும் ஜாமீன் கோரி தாராபுரம் நீதித்துறை நடுவர் நீதிமன்றத்தில் மனு தாக்கல் செய்திருந்தனர். இந்த மனுக்கள் மீதான விசாரணை நேற்று நடைபெற்றது. இதில், கார்த்திகா, அவரது கணவர் முருக சந்திரகுமார் உள்ளிட்ட 9 பேருக்கு ஜாமீன் வழங்கி நீதிபதி உமா மகேஸ்வரி உத்தரவிட்டார்.

இன்று விடுவிப்பு
இதையடுத்து இன்று காலை கோவை மத்திய சிறையில் இருந்து ஜாமீன் பெற்ற கார்த்திகா உட்பட 9 பேரும் விடுவிக்கப்பட்டனர். அவர்களுக்கு நாதக உறுப்பினர்கள் உற்சாக வரவேற்பு தந்தனர்.