இங்கிலாந்து அணிக்கு எதிரான மீதமுள்ள மூன்று டெஸ்ட் போட்டிகளுக்கான இந்திய அணியை பிசிசிஐ அறிவித்துள்ளது. இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்டில் இங்கிலாந்து 28 ரன்கள் வித்தியாசத்திலும், 2வது டெஸ்டில் இந்தியா 106 ரன்கள் வித்தியாசத்திலும் வெற்றி பெற்றதால், 1-1 என்ற கணக்கில் தொடர் சமனில் உள்ளது. இந்நிலையில் மீதமுள்ள 3 டெஸ்ட் போட்டிகளுக்குமான இந்திய அணி அறிவிக்கப்பட்டுள்ளது.
அதில் விராட் கோலி, ஷ்ரேயஸ் அய்யர் ஆகியோர் இடம்பெறவில்லை. காயம் காரணமாக விலகியிருந்த கே.எல்.ராகுல் மற்றும் ஜடேஜா ஆகியோர் அணிக்கு திரும்பி உள்ளனர்.